| 成績比想像中好好多~~ 最擔心既0個科都做得唔錯~~ 今個學期唔同既地方係 最後一個星期每科都仲有25分既final exam 所以唔到最後一刻 都真係唔知自己會拎咩 好彩~~ 辛苦都係值得 雖然未到完美 但都過得去啦~ |
| |
| 今個學期...忙死... 連寫日記既時間都抽唔到出黎~ 聽日考好最後一科 第三個學期就完! 今個學期做得真係唔夠好... 返工...返學...返工...又再返學 連做第三樣野既時間都冇 但係 我竟然聽到你同我講 "懶" 話我點解搵唔到自己下個學期既學費 我已經好辛苦 攰到 連自己想做既事都再冇時間 得黎既回報竟然係咁 點解... 點解要講到我咁冇用 點解你一啲都唔諒解我 最想要有你既支持 點解你就係唔明白 我從來冇開口問你要過錢 將我既支助拎走...我都冇出過一句聲 但係點解相返地你要話我冇用 |
| |
| 咁快一年又一年... 回想起 今年我好似冇咩成就 渾渾...咁又過左 今個學期開始感受到壓力 再冇完美既成績 好想可以做得更好... 但好似 有一段距離 再一次比朋友提醒 我已經唔細... 但 如果每一次一個人既時候都仲係諗住你 我諗我仲未準備好 |
| |
| ...今個學期自信心跌到 0 做任何事都冇十足信心 好想可以做到更好 但結果可能都未如意... |
| |
| 前幾日姑仗突然同我講... 點解你講野一啲都唔嗲? 點解唔嗲啲...男仔會好鍾意! 岩岩睇左一集黑澀會... 我並唔係想批評人地 但係要我做到咁 我真係過唔到自己0個關 但係講真..唔記得幾時開始 我唔識再去嗲人 可能係...有一段太長既時間冇人可以比我嗲? 要改下? |
| |
